የድሬዳዋ አስተዳደር ም/ቤት አፈ ጉባኤ የተከበሩ አቶ አብዲ ሙክታር ጋዜጣዊ መግለጫ ሰጡ

የድሬዳዋ አስተዳደር ም/ቤት አፈ ጉባኤ የተከበሩ አቶ አብዲ ሙክታር ጋዜጣዊ መግለጫ ሰጡ

ማህበራዊ
January 29, 2026

የድሬዳዋ አስተዳደር ም/ቤት አፈ ጉባኤ የተከበሩ አቶ አብዲ ሙክታር በሰጡት ጋዜጣዊ መግለጫም የም/ቤቱ የተሻሻለው የአሰራር እና የአባላት ስነምግባር ደንብ ቁጥር 39/2015 አንቀጽ 13 መሠረት የም/ቤቱ መደበኛ ጉባኤ በአመት ቢያንስ 2ጊዜ እንደሚካሄድ እንደሚገልጽ ጠቅሰው የድሬዳዋ አስተዳደር ም/ቤት 3ኛ የስራ ዘመን 5ኛ አመት 11ኛ መደበኛ ጉባኤ ከጥር 26 እስከ 27/2018 ድረስ እንደሚካሄድ ገልጸዋል።

በጉባኤውም ም/ቤቱ የተለያዩ አጀንዳዎች ላይ ተወያይቶ ውሳኔዎችን የሚሰጥ ይሆናል። በመሆኑም የጉባኤው አጀንዳዎች የም/ቤቱን የ3ኛ የስራ ዘመን 5ኛ አመት 3ኛ አስቸኳይ ጉባኤ ቃለጉባኤን ማጽደቅ ፣ የአስተዳደሩ የአስፈጻሚ አካላት እና ማዘጋጃ ቤታዊ አገልግሎት የ2018 በጀት አመት የመጀመሪያው ግማሽ አመት አፈጻጸም ሪፖርት ላይ ተወያይቶ ማጽደቅ ፣ የተለያዩ አዋጆችን ማጽደቅ እንደሚሆኑ የተከበሩ አፈጉባኤው ጠቅሰው የም/ቤቱ አባላትም በጉባኤው ላይ በመገኘት ከህዝብ የተጣለባቸውን ሀላፊነት እንዲወጡ ጥሪያቸውን አስተላልፈዋል።

#መረጃ | ወቅታዊ እና ትኩስ መረጃዎችን በፍጥነት ለማግኘት እነዚህን አማራጮች ይጠቀሙ